Іс-шара қашықтықтан өткізілді. Өткен жылы біздің студенттер осындай интеллектуалды сайыста бірінші орынды жеңіп алған еді. Осыған орай оқу ордамыз шараны өткізу құқығына ие болды. Олимпиадаға әр командада 2 студенттен құрылған Қазақстанның 17 университеті бақ сынасты. Солтүстік Қазақстан университетінің командасы ережеге сәйкес жарыстан тыс өнер көрсетті. Жеке сайыстағы нәтижелер бойынша Ш.Уәлиханов атындағы Көкшетау университетінің студенті Жанат Сейтқазы жеңімпаз атанды.
Сондай-ақ, командалық біріншілікте сыйлықтар да бөлінді:
-3 орынды Қазақ ұлттық қыздар педагогикалық университеті, Қорқыт Ата атындағы Қызылорда университеті, Махамбет Өтемісұлы атындағы Батыс Қазақстан университеті жеңіп алды
-2 орынға Жұбанов атындағы Ақтөбе өңірлік университеті және Абай атындағы Қазақ ұлттық педагогикалық университеті жайғасты.
Уалиханов атындағы Көкшетау университеті олимпиаданың жүлделі 1 орынын иеленіп, жеңімпазатанды.
Ендігі келесі республикалық олимпиада Ақмола облысында өтетін болады. Барлық қатысушылар сертификаттармен, ал ғылыми кеңесшілер алғыс хаттармен марапатталды.
