Біздің ЖОО-да ғылыми-зерттеулермен айналысатын жас ғалымдарды ректор грантына ынталандыру үшін ғылыми жобалар конкурсы бірнеше жылдан бері өткізіліп келеді. Жұмыстардың өзектілігі, жаңалығы, даму дәрежесі және әлеуметтік-экономикалық тиімділігі бойынша бағалайды.
Байқауға жалпы 8 өтінім берілді. Қозыбаев университетінің 35 жасқа дейінгі магистранттары, докторанттары мен оқытушылары жаратылыстану және техникалық екі бағытта өздерінің инновациялық ғылыми зерттеулерін ұсынды. Олардың тақырыбы дәнді дақылдардың өнімділігін болжайтын нейрондық желілік жүйелерді құрудан бастап, мұнай өндіретін терең сорғылардың ресурстық беріктігін арттыруға дейінгң әр түрлі бағыттарды қамтыды.
Сайыс қорытындысы бойынша 5 жеңімпаз анықталды:
-Гаиля Әубәкірова - ИСТФ докторанты, тақырыбы: «Солтүстік Қазақстан облысында дәнді дақылдардың шығымдылығын болжаудың нейрожелілік жүйесі»;
-Юлия Бызова, МЖҒФ докторанты, тақырыбы: «СҚО өсімдік шикізаты негізінде жуу дезинфекциялық құралдарын әзірлеу»;
-Анна Лебедева, МЖҒФ магистранты, тақырыбы: «Ойқала тарихы және оның Петропавлдың қалыптасуындағы рөлі»;
-Эльмира Мұхамеджанова, МЖҒФ магистранты, тақырыбы: «Қолданбалы курс «Санитария және гигиена»;
-Дмитрий Сень, ИСТФ магистранты, тақырыбы: «Шағын диаметрлі ішкі беттерге цирконий диоксидін лазерлі тозаңдату технологиясын әзірлеу арқылы мұнай өндіретін тереңдік сорғыларының ресурстық төзімділігін арттыру".
Олардың әрқайсысы 150 мың теңге көлемінде гранттық қаржыландыру алды. Жыл бойы олар өздерінің ғылыми мақалаларын ҚР БҒМ Білім және ғылым саласындағы бақылау комитеті ұсынған басылымдарда жариялауға міндетті.
