Медицина қызметкерлері күні қарсаңында медицина жоғары мектебінің педагогтары мен студенттері өздерінің кәсіби мерекелерін атап өтті. Жоғарғы медицина мектебі университетте 2018 жылы ашылған. Бүгінде мұнда екі кафедрада 513 адам оқиды, оның ішінде Үндістан мен Бангладештен келген студенттер де бар.
Көптеген білім алушылар пандемияға байланысты елде ТЖ енгізу кезеңінде өздерін кәсіби түрде көрсетіп, блок-бекеттерде, жедел жәрдем қызметінде, карантиндік стационарларда жұмыс істеді. Тіпті еріктілер қатарынан да табыла білді. Орта медициналық білімі бар студенттер денсаулық сақтау саласында жұмыс істейді.
Салтанатты іс-шарада тек білім алушыларға ғана емес, сонымен қатар, денсаулық сақтау пунктінің дәрігеріне және факультеттің ПОҚ-на құрмет көрсетілді. Қосымша жұмыс істейтін педагогтар арасында – СҚО ауруханалары мен емханаларынан 23 дәрігер бар. Дарынды студенттер мен шаһардың танымал шығармашылық ұжымдары жиналғандарды құттықтап, ән мен биден шашу шашты.
