2017 жылғы 11 желтоқсанда «Болашаққа бағдар: рухани жаңғыру» президенттік бағдарламасының аясында Петропавлға Павлодар қаласынан «Серпін серпілісі» республикалық жобасына қатысатын делегаттар келді. Қонақтар үшін қаладағы шараларға толы күн «Абылай хан резиденциясы» мұражай кешені ішіндегі экскурсиядан басталды. Мұражайға барып, делегаттар Абылай ханның өмірі мен қызметі туралы мәлімет алды. Мұражайды аралағаннан кейін, делегаттарға М. Қозыбаев атындағы СҚМУ-мен танысу мүмкіндігі ұсынылды. Университетке келген соң, «Серпін серпілісі» жобасының қатысушылары «Серпін»бағдарламасы бойынша білім алатын студенттерге қатысты қызықтыратын мәселелерді шешу мақсатында дөңгелек үстелге қатысты. Кейін Павлодардан келген делегаттарға СҚМУ құндылықтарымен танысу мүмкіндігі ұсынылды. Жобаға қатысушылар жүзу бассейіне, СҚМУ-дың тарихы мұражайына барып, Университет ректорларының аллеясымен танысты. Бағдарлама соңында қатысушылар үшін СҚМУ студенттері өз өнерлерін көрсеткен концерттік бағдарлама ұйымдастырылды. Кейін, Павлодардан келген қонақтар өздерінің жарқын көңіл-күйлерімен бөлісіп, ұйымдастырушыларға қонақжайлылық үшін өз алғыстарын білдірді.
