Техника ғылымдарының докторы, профессор
М. Қозыбаев ат. Солтүстік Қазақстан университетінің Органикалық химия және Жоғары молекулалық қосылыстар химиясы кафедрасының техника ғылымдарының докторы Болатбаев Қазбек Нельевич 1955 жылы СҚО, Пресновка ауданының Пресновка ауылында дүниеге келген.
1977 жылы Орал политехникалық университетін (Екатеринбург қ.) бітірген. 1983 жылы Орал политехникалық институтының (Екатеринбург қ.) ауыр түсті металдар металлургиясы кафедрасының күндізгі аспирантурасына түсті. 1986 жылы «Химиядағы гидротермиялық процестерді зерттеудің физика-химиялық әдістері» тақырыбында диссертация қорғады.
1994 жылдан бастап Солтүстік Қазақстан университетінде ғылыми-педагогикалық жұмыстармен айналысты. Әр жылдары доцент, физика және химия кафедрасының меңгерушісі, университет ҒЗЖ жетекшісі болып жұмыс істеді. 2006 жылы докторлық диссертациясын қорғағаннан кейін Қазбек Нельевич Болатбаевқа техника ғылымдарының докторы ғылыми дәрежесі берілді.
Болатбаев Қазбек Нельевич - құрметті және сүйікті оқытушы, бас әріппен жазылған педагог, ол М. Қозыбаев ат. Солтүстік Қазақстан мемлекеттік университетінің студенттерінің білім алуына баға жетпес үлес қосқан тұлға.
Қазбек Нельевич өзінің өмірлік ісіне құмар болып, студенттердің әлі бірнеше буыны оқып әрі қарай дамытатын көптеген ғылыми еңбектері мен оқу құралдарын жазып қалдырған. Оның дәрістерін тыңдау бақытына ие болғандар өздерінің оқытушысы, көрнекті тұлға және керемет мұғалімін лайықты құрметпен еске алады.
Болатбаев Қазбек Нельевич ҚМУ ғылыми кеңесінің мүшесі, ҚР ҚМ ғылым саласындағы бақылау комитетіндегі қоғамдық сараптамалық кеңес төрағасының орынбасары болды. СҚМУ ректоры мен Солтүстік Қазақстан облысы әкімінің Құрмет грамоталарымен марапатталған. «Үздік инновациялық жоба» байқауына қатысқаны үшін екі рет СҚО әкімінің сыйлығына ие болды. 2007 жылы СҚМУ Жаратылыстану-география факультетінің үздік оқытушысы болып танылды, ал 2009 жылы ҚР БҒМ Республикалық байқауының қорытындысы бойынша «ЖОО-ның үздік оқытушысы» атағына ие болды.
Қазбек Нельевич 200-ден астам ғылыми жұмыстың, оның ішінде 5 монографияның, 5 оқу құралының және 30-дан астам өнертабыстың авторы.
Ғылымның дамуына баға жетпес үлес қосқан жоғары санатты маман, Қазбек Нельевич жауапты басшы, ұжымның сөзсіз көшбасшысы, нағыз оқытушы және әріптестері үшін жанашыр аға жолдас бола білді.
Бектемисова А.У., х.ғ.к., доцент
Остафейчук Н.В., химия магистрі.