Химия ғылымдарының кандидаты, профессор
Шукенова Раушан Жүнісқызы 1942 жылы 11 сәуірде Қызылжар ауданы Кішкенекөл ауылында дүниеге келген. Раушан Жүнісқызының әкесі әскери адам болғандықтан, олар жиі көшіп отыруға мәжбүр болды. Оқу жылдары Раушан Жүнісқызы 4 мектеп ауыстырған, 8-10 сынып аралығында Семей қаласында Чернышевский атындағы № 1 мектепте оқыды. Мектеп жылдары спортпен шұғылданатын, жеңіл атлетикамен және баскетболмен айналысқан. Мектепті бітіргеннен кейін Семей педагогикалық институтына «Химия және биология» мамандығына түсіп, бірінші курстың бір семестрін оқып шыққанда, әкесінің Петропавл қаласына қызметке ауыстырылатыны белгілі болды. Бірінші курстың 2 семестрінен бастап Раушан Жүнісқызы К. Д. Ушинский ат. Петропавл қаласындағы мемлекеттік педагогикалық институтта оқыды. Университетті бітіргеннен кейін Мамлют совхоз мектебінде бір жыл жұмыс істеді. Раушан Жүнісқызы сол уақытты жылы жүзімен еске алады, ол өз сыныбымен орын алған достық қарым-қатынасы туралы қуана айтып отырады. 1965 жылы Раушан Жүнісқызы механикаландыру және ауыл шаруашылығы техникумында оқытушы болып жұмыс істеуге шақырылды. Осы жылдың қараша айында ол Алматы қаласына, ҚазМУ университетіне аспирантурада оқуға жіберілді, онда ғылыми зерттеулермен айналысты. 1968 жылы Раушан Жүнісқызы Петропавл қаласына оралып, ЖОО-ға өз өмірін арнауға шешті. Бұл оқу орнында Раушан Жүнісқызы ассистент және оқытушыдан «Органикалық химия және жоғары молекулалық қосылыстар химиясы» кафедрасының профессорына дейінгі жолдан өтті.
90-шы жылдардан бастап Раушан Жүнісқызы «Ағарту» баспасының Органикалық химия бойынша мектеп оқулықтарын сараптау жөніндегі проблемалық зертханасының мүшесі болды. Органикалық химия бойынша 10-сыныптың конкурстық оқулығы талданды.
Оның ғылыми жұмысының негізгі бағыты - аз гүлді котонестердің полифенолдық құрамын зерттеу. Раушан Жүнісқызы осы зерттеуге өмірінің бірқатар жылдарын арнады, ол жылу мен жарықта оңай жойылатын биологиялық белсенді заттарды зерттеді. Бұл жұмыс үлкен еңбекті, табандылықты, шыдамдылық пен зейінді қажет етеді. Р. Ж. Шукенованың жүргізген зерттеулерінің нәтижелері бойынша әртүрлі мақалалар, монографиялар, оқу құралдары сияқты 111-ден астам жұмыс жарияланды. Оның ғылыми қызметінің басты бағыты - жоғары және орта мектептегі оқу процесін оңтайландыру.
1987 жылдан 1994 жылға дейін Шукеноа Раушан Жүнісқызы Жаратылыстану-география факультетінің деканы қызметін атқарды. Ал 1995 жылдан 1997 жылға дейін оқу жұмысы бойынша проректор болды. 1997-2001 жж оқу бөлімінің басшысы болды. 2012 жылдан бастап «Органикалық химия және жоғары молекулалық қосылыстар химиясы» кафедрасының профессоры атанды. Раушан Жүнісқызы - заманауи оқыту технологияларын меңгерген жоғары білікті маман. 2012 жылы зейнеткерлікке шыққаннан кейін Раушан Жүнісқызы кафедрада жұмысын жалғастырып, тағы 14 жыл жұмыс істеді және «Химия» кафедрасының меңгерушісі қызметін атқарды.
Шукенова Раушан Жүнісқызы сарқылмас энергиясы бар, мейірімді, әділ және ізденімпаз, ұқыпты және жанашыр адам. Ол көптеген студенттерге химияға деген сүйіспеншілікті оятты. Раушан Жүнісқызы тек мұғалім ғана емес, өз ісінің кәсіби маманы, тәлімгер. Жұмыс істеген жылдары ол көптеген марапаттарға ие болды: ректордың грамотасы, ректордың алғысы, ҚР БҒМ грамотасы (1997), «Жұмыстағы үздік жетістіктері үшін» төсбелгісі (1988, 1992), «Қазақ КСР Халық ағарту ісінің үздігі» (1987), «ҚР Білім беру ісінің құрметті қызметкері» (1997, 2001), сондай-ақ «еңбек ардагері» медалі (1987). Раушан Жүнісқызы институттың Құрмет Кітабына енгізілді (1992) және СҚМУ Алтын медалімен марапатталды.
Бектемисова А. У., x. ғ. к., доцент
Остафейчук Н. В., химия магистрі