Наталья Федоровна Пфлюк - өз жұмысын және шәкірттерін жақсы көретін адам. Кафедраның, университеттің өміріне қомақты үлес қосқан және ерекше жылулықпен еске алатын студенттерінің өмірінде айрықша із қалдырған оқытушы.
Наталья Федоровна 1956 жылы 15 наурызда Қорған облысында дүниеге келген. Мектепті үздік бітіргеннен кейін, Наталья Федоровна сол сәтте өз өмірін оқытумен байланыстырғысы келетінін нық білді. Осы мақсатта ол «химия және биология» мамандығы бойынша Петропавл педагогикалық институтына түсіп, 1979 жылы сәтті бітіріп шықты.
Университетті бітіргеннен кейін Наталья Федоровна Мамлют ауданының Стовое ауылына барып, 1980-1985 жылдар аралығында мектеп директоры болып жұмыс істеді, бұл оның оқытушылық және оқушылармен жұмыс істеудегі алғашқы кезеңі болды. Мектепте 5 жыл жұмыс істегеннен кейін ол Петропавл қаласына келіп, 1985 жылдан 1987 жылға дейін жұмыс істеп, қалалық халық білім бөлімінде химия әдіскері болып жұмысқа орналасты.
Наталья Федоровна 1987 жылдан бастап университеттің химия кафедрасында оқытушысы болды, ал 1990 жылдан бастап аға оқытушы лауазымына көтерілді.
Наталья Федоровна КСРО Білім министрлігінің тапсырысы бойынша мектеп химия оқулықтарын талдаумен айналысты. Сонымен қатар, Наталья Федоровна химияны оқыту әдістемесі бойынша «химия бойынша жаңа материалды өз бетінше зерделеу үшін алгоэвристік бағдарламалар жасау» тақырыбында ғылыми жұмыс жүргізді, бұл кафедра тарихына елеулі үлес қосты.
Оқытушылық қызметімен қатар Наталья Федоровна кафедра мен факультеттің қоғамдық жұмысына белсенді қатысты: 1999-2001 жылдары Жаратылыстану-география факультетінің аға әдіскері, сондай-ақ 2001-2003 жылдары Жаратылыстану-география факультетінің аға кураторы болды. 2001 жылы – облыстық білім департаменті мен білім және ғылым министрлігінің грамотасымен марапатталды.
Наталья Федоровна кафедрадағы тәрбие жұмысына жауапты және студенттердің педагогикалық практикасы бойынша аға әдіскер болды. Сонымен қатар, ол химия пәнінен студенттік олимпиадаларды өткізуді ұйымдастыруға бастама көтеріп, факультет пен университет деңгейінде әдістемелік семинарлар өткізді.
Пфлюк Наталья Федоровна 23-тен астам ғылыми мақалалардың, Органикалық химия және химияны оқыту әдістемесі бойынша төрт оқу құралының авторы.
Наталья Федоровна химия кафедрасында шамамен 30 жыл оқытушы болып жұмыс істеді. Мұқият, өте жауапты адам және әріптестері мен студенттері арасында бедел мен құрметке ие мұғалім; өзің ісінің адал жанкүйері ретінде де көрсете білген кәсіби маман.
Бектемисова А. У., x. ғ. к., доцент
Остафейчук Н. В., химия магистрі