Әскери кафедра штаты жоғары білімді кадрлық офицерлермен және әскери қызмет пен оқу-тәрбие жұмысының бай тәжірибесі бар запастағы офицерлермен жасақталған.
25 жыл ішінде әскери кафедра 3000-нан астам запастағы офицерлер мен сержанттарды даярлады. Әскери кафедраның түлектері Қарулы күштер, Ішкі істер министрлігі, ҰҚК шекара әскерлерінде және Қазақстан Республикасының басқа әскери құралымдарында қызмет етуде.
Әскери кафедра жеке оқу ғимаратында орналасқан. Оқу корпусында әскери даярлықтың барлық пәндері бойынша сабақтар өткізу үшін мамандандырылған сыныптармен жабдықталған. Оқыту барысында мультимедиялық проекторлар, интерактивті тақталар, жергілікті жердің электрлендірілген макеттері және БМП тренажері белсенді қолданылады.
Атыс дайындығы бойынша нормативтерді пысықтауды қамтамасыз ететін нысана жағдайы бар «Рубин» электронды лазерлік тирі бар. Техникалық дайындық сыныптарында БМП-2 жаяу әскерлері жауынгерлік машиналары орналасқан. Саптық плац, қару сақтауға арналған бөлме, әскери-техникалық мүлікке арналған қойма үй-жайлары бар.
Әскери кафедрада студенттермен тәрбие, әскери-патриоттық және қорғаныс-бұқаралық жұмыстарын жүргізу үшін мультимедиялық проектормен жабдықталған 154 орындық акт залы бар.
Әскери кафедраның кітапхана қоры 2520 дананы құрайды.
Далалық және практикалық сабақтарды өткізуге, студенттерге қажетті практикалық және командалық дағдыларды үйретуге басты назар аударылады.
2015 жылы әскери кафедра командасы әскери-қолданбалы спорт түрлері бойынша ҚР 25 әскери кафедрасы арасында І Республикалық «Айбын» жастар әскери-патриоттық жиынында жалпы командалық екінші орынға ие болды.
Әскери кафедрамен тәрбие және әскери-патриоттық жұмыс үнемі жүргізіледі. Ол студенттерде Отан қорғау бойынша конституциялық борышын орындауға қажетті жоғары моральдық, кәсіби-жауынгерлік және психологиялық қасиеттерді, ұйымшылдық пен тәртіптілікті қалыптастыруға бағытталған.
Әскери кафедраның профессорлық-оқытушылық құрамы өзінің кәсіби және моральдық-іскерлік қасиеттері бойынша өзіне жүктелген міндеттерді орындауға, оқу және тәрбие жұмысын жүргізуге және басшылық құжаттардың талаптарына сәйкес әскери даярлық бағдарламасын толық көлемде орындауға қабілетті.
Құрылымы
 |
Саржанов Рабирт Жанибекович Әскери кафедра бастығы, запастағы полковник
|
 |
Джуринов Баходир Саттарұлы Әскери кафедра бастығының орынбасары, запастағы подполковник
|
 |
Федоренко Артем Леонидович
Әскери кафедраның аға оқытушысы, запастағы подполковник
|
 |
Қаражұманов Ерік Ермекұлы Әскери кафедраның аға оқытушысы,
|
 |
Кириченко Александр Иванович Әскери кафедраның аға оқытушысы, әскери ғылымдар кандидаты, запастағы полковник
|
 |
Есматов Төлеген Айткенұлы Әскери кафедраның әдіскер-нұсқаушысы, запастағы старшина
|
||
 |
Кунтаева Ирина Александровна Әскери кафедраның әдіскері
|
 |
Касенова Венера Мажитовна Әскери кафедраның әдіскері |
Бос лауазымдарға орналастыруға кандидатураларды қарау туралы хаттамалар
+7 (7152) 369474 (факс)
101/7
rzhsarzhanov@ku.edu.kz