"FOUNDATION" факультеті

Авдолхан Алмагүл Авдолханқызы Факультет ДЕКАНЫ Жаратылыстану ғылымдарының магистрі Тел.: +7 (7152) 493202, ішкі 1217; 87755481246 Аудитория: 206, 5 корпус E-mail: aavdolhan@ku.edu.kz

Деканның орынбасары Тел.: +7 (7152) 490093, ішкі 1220 Аудитория: 206, 5 корпус E-mail:

Нургалиева Багдат Кенжебаевна Әдіскер Тел.: +7 (7152) 490093, ішкі 1220 Аудитория: 206, 5 корпус E-mail:

Оқытушылық: 206 ауд., 5 корпус

«Foundation» факультеті заман талаптарын қанағаттандыратын білім берудің жаңа ортасын құру мақсатымен 2016 жылы М.Қозыбаев атындағы Солтүстік Қазақстан мемлекеттік университетінің дайындық бөлімі негізінде құрылды.

Факультет «Foundation»:

1. Шетелдік қазақ диаспорасы есебінен Қазақстан Республикасының жоғарғы оқу орындарында қазақ және орыс тілдерінде оқу үшін талапкерлерді дайындайды;
2. «Биология», «Химия», «Физика», «Информатика» педагогикалық мамандықтарына түсу үшін Қазақстан Республикасының азаматтарының тілдік дайындығын жүзеге асырады;
3. Қазақстанның жоғарғы оқу орындарына түсу үшін талапкерлердің білім деңгейін көтеру саласында пәндерді тереңдетіп оқыту арқылы сапалы білім беру қызметтерін көрсетеді.

Оқу үдерісімен қатар «Foundation» факультетінің тыңдаушылары университеттің спорттық жарыстар, КВН, Наурыз мейрамы, конференциялар, тақырыптық семинарлар және т. б. сияқты түрлі іс-шараларына белсенді қатысады.

Жылы психологиялық климат, біздің университеттің дамыған инфрақұрылымы, оның ыңғайлы орналасуы – осының барлығы «Foundation» факультетінің дайындық курстарында оқуды таңдауға мүмкіндік береді.

 «Foundation» факультетіне қабылдау үшін қажетті құжаттар:

• Ректордың атына өтініш
• Жеке басын куәландыратын құжаттың түпнұсқасы және нотариалды куәландырылған көшірмесі
• Орта білім туралы құжаттың түпнұсқасы және нотариалды куәландырылған көшірмесі
• 6 фотосурет 3х4

2023-2024 оқу жылында "Foundation" факультетіне талапкерлерді қабылдау тәртібі

Дайындық курстары

Дайындық курстары шет елдерде тұратын қазақ ұлтының өкілдері, оралмандар мен шет ел азаматтарына арналған.

Бұл курстардың мақсаты – шет ел азаматтарын Қазақстандағы өмірге бейімдеу, ҚР жоғарғы оқу орындарына түсуге дайындау, қазақ және орыс тілдерін тереңдетіп оқыту.

Жалпы дайындық деңгейін көтеру бойынша оқу үшін оқыту тілінде математикалық сауаттылық пен оқу сауаттылығынан тестілеу жүргізіледі.

Факультеттегі оқу үдерісі күндізгі оқу формасында қазақ және орыс тілдерінде мемлекеттік білім беру тапсырысы бойынша, сондай-ақ ақылы негізде жүзеге асырылады. Сабақтар 1 қазаннан басталады, оқыту мерзімі 9 айды құрайды.

Дайындық курстарының тыңдаушылары жатақханамен қамтамасыз етіледі, мемлекеттік білім беру тапсырысы бойынша оқитын тыңдаушылар шәкіртақы алады. Оқыту аяқталған соң тестілеу нәтижесіне қарай мемлекеттік білім беру гранты бойынша ҚР жоғарғы оқу орындарында білім алу құқығына ие болады.

Оқу жылы барысында тыңдаушылар келесі пәндерді оқиды:

- оқу сауаттылығы;

- Қазақстан тарихы;

- математикалық сауаттылық;

- бейіндік пәндер.

Бейіндік пәндерді таңдау кестесі

Қосымша пәндер:

• орыс тілі;
• денешынықтыру.

Дайындық курстарына қабылдау шарттары

Дайындық курстарына қабылданады:

• мектеп түлектері;
• колледж түлектері.

Шетелдегі қазақ диаспорасы өкілдері, оралмандар мен шетел азаматтары үшін дайындық курстарында мемлекеттік білім беру тапсырысы негізінде оқу мүмкіндігі қарастырылған. Бұл білім беру грантына ие болу үшін екі пәннен - математикалық және оқыту тілінен: қазақ немесе орыс тілінен кешендік емтихан тапсыру қажет. Қазақ немесе орыс тілін білмейтін шетел азаматтары үшін емтихан ағылшын тілінде қабылдануы мүмкін.

Ақылы негізде оқуды қалайтын азаматтар емтихансыз қабылданады.

ЖОО-ның дайындық факультетіне түсу үшін шетелдік азаматтар мен азаматтығы жоқ тұлғалар келесі құжаттарды тапсырады:

• Берілген нысандағы өтініш
• Білім туралы құжаты мен оның қосымшасының мемлекеттік немесе орыс тіліне нотариалдық расталған аудармасы
• Білім туралы құжат иесінің жеке басының куәлігі мен паспортының нотариалдық расталған аудармасы

Тапсырылған құжаттар .pdf форматында сканерден өткізіліп, https://enic-kazakhstan.kz/priem-dokumentov-na-podgotovitelnye-otdeleniya-vuzov/podacha-dokumentov сайтында онлайн өтінім жіберіледі.

Қазақстан Республикасының азаматтарын дайындау үшін тілдік курстар 

«Foundation» факультетіне оқуға орта, орта арнайы, техникалық және кәсіби білімі бар барлық тұлғалар қабылданады. 

Дайындық факультетінде күшейтілген тілдік дайындықпен оқу үшін «Шет тілі» және жаратылыстану-математикалық бағыттағы «Биология», «Физика», «Химия» пәндерінің бірінен тест тапсырады.

«Foundation»  факультетінде оқу - бұл:

• тереңдетілген көптілді дайындық, ол: 

- шет тілде оқу топтарына қабылдауды;

- академиялық ұтқырлықты;

- халықаралық бағдарламаларға қатысуды;

- қарым-қатынас бостандығын қамтамасыз етеді.

• Ұлттық бірыңғай тестілеу пәндері бойынша мақсатты дайындық (оқу сауаттылығы, математикалық сауаттылық, Қазақстан тарихы және бейіндік пәндер).

Ұлттық бірыңғай тестілеуге қатысқаннан кейін «Foundation» факультетінің білім алушылары білім беру гранттарының конкурсы нәтижесі бойынша М. Қозыбаев атындағы Солтүстік Қазақстан университетіне таңдаған мамандығы бойынша 1 курсқа қабылданады.  

Факультетте оқыту күндізгі формада қазақ және орыс тілдерінде мемлекеттік білім беру тапсырысы бойынша жүзеге асырылады.

«Foundation» факультетінде мемлекеттік білім беру тапсырысы бойынша оқитын тыңдаушыларға республикалық бюджет есебінен шәкіртақы төленеді. Басқа қалалардан келген тыңдаушыларға университет жатақханадан орынмен қамтамасыз етеді. «Foundation» факультетінің тыңдаушыларына күндізгі оқу бөлімінің студенттеріне қарастырылған жеңілдіктерді қолдануға мүмкіндік беретін «Тыңдаушы билеті» беріледі. 

«Foundation» факультетіне қабылдау үшін қажетті құжаттар:

• Ректордың атына өтініш
• Жеке басын куәландыратын құжаттың түпнұсқасы мен көшірмесі
• Орта, орта кәсіптік білім туралы құжат пен қосымшасының түпнұсқасы
• 3х4 форматындағы 6 фото
• 075/У нысанындағы медициналық анықтама

Дайындық курстарына жазылу немесе қосымша ақпаратты келесі телефондар бойынша алуға болады:

Петропавл қ-сы, Интернационал к-сі, 26

№5 оқу корпусы

Кабинет № 206 , тел. 49-00-93, моб. 87755481246

Кешкі дайындық  курстары

М. Қозыбаев атындағы Солтүстік Қазақстан мемлекеттік университетінің «Foundation»  факультетінде ҰБТ пен КТ тапсыру үшін қажетті барлық пәндер бойынша  дайындық жүргізілетін кешкі дайындық курстары өткізіледі. 

Кешкі дайындық курстарында оқу ақылы, оқу бағасы оқу мерзімі мен таңдаған пәндер санына байланысты. 1, 2, 3 немесе барлық бес пәнге жазылуға болады. Төлемді ай сайын жүргізуге болады.  

Сабақтар дәрістік-практикалық үлгіде мемлекеттік және орыс тілдерінде абитуриенттерді дайындау тәжірибесі мол оқытушылармен жүргізіледі. Тыңдаушылардың білімін бақылау үшін үнемі байқау сынақтары өткізіліп отырады.

Қазан айынан бастап, әр айдың 20-іне дейін кешкі дайындық курстарына қабылдау жүргізіліп, пәндер мен оқу мерзіміне қарай топтар жинақталады.

Кешкі дайындық курстарына жазылу немесе қосымша ақпаратты келесі телефондар бойынша алуға болады:

Петропавл қ-сы, Интернационал к-сі, 26

№5 оқу корпусы

Кабинет № 206 , тел: 49-00-93, ұялы телефон нөмірі: 87755481246