Құрметті қонақтар, оқытушы-профессорлық қауым, студенттер!
30 тамыз Егеменді еліміздің алтын тұғыры болып табылатын Конституция күнін атап өтті. Еліміздің Ата Заңы жүздеген жылдар бойы қалыптасқан адамзат баласының жалпы құндылықтарын бойына сіңірді.
Міне, бүгін баршаңызды оқу жылының алғашқы күні, 1 қыркүйек - Білім күнімен құттықтаймын!
Бүгінгі салтанатты жиналыс қатысушылары: оқу ісі жөніндегі проректор Мұхамеджанова Айнагүл Тастемірқызы, ғылыми жұмыс және сыртқы байланыстар жөніндегі проректор Қайыржанова Лаура Советқызы, тәрбие ісі жөніндегі проректор Тайжанова Мұқарам Мұрзатқызы, тіл және әдебиет институтының директоры, факультет декандары, ұстаздар.
Жаңа оқу жылының бірінші күні – бұл әрқашан қоғам өміріндегі оқиға. Конституция негізінде біздің еліміз мықты мемлекет құрып, онда 130-дан астам ұлт пен 40-тан астам конфессия бейбіт өмір сүруде. Конституцияның кепілі болып табылатын ел Президентінің салиқалы, сындарлы саясатының арқасында қоғамда азаматтық бейбітшілік пен конфессияаралық келісім нығая түсті.
Нақ осы жас ұрпақтың алдында ұлттық бәсекеге қабілеттілік деңгейін көтеру міндеті тұр. Мұндай миссия тек патриоттық, білімді, кәсіби, дені сау және адамгершілік, әлеуметтік және азаматтық жауапты жастардың күшімен жүзеге асырылады.
Биылғы жыл маңызды мерейтойлармен атап өтілді: ҚР Конституциясының 20 жылдығы, Қазақстан халқы Ассамблеясының 20 жылдығы, Ұлы Отан соғысындағы Жеңістің 70 жылдығы, Қазақ хандығының 550 жылдығы.
Астанада өтетін EXPO-2017 халықаралық көрмесіне дайындық жоғары деңгейде жүріп жатыр, ол экономика, технологиялар, ғылым саласындағы әлемдік жетістіктермен танысудың бірегей мүмкіндігін ұсынады. 2017 жылы Алматы қаласында Бүкіләлемдік студенттік қысқы ойындар өтеді. "100 нақты қадам" Ұлттық жоспары қабылданып, іске асырылуда. Әлеуметтік - экономикалық жаңғырудың, инновациялық серпіліс пен экономикалық интеграцияның жүріп жатқан ауқымды процестері барша қазақстандықтардың біздің мемлекетіміздің болашағына деген оптимизмі мен сенімін күшті, серпінді дамып келе жатқан, бәсекеге қабілетті және халықаралық беделге ие болуға шабыттандырады.
Біз барлық конкурстық сынақтардан сәтті өткен және біздің университетте - елдегі және өңірдегі ірі ғылыми-білім беру және мәдени орталықта оқитын 1 – курс студенттерін жаңа толықтыруды қолдаймыз.
Ұлттық және халықаралық рейтингтердің нәтижелері университеттің кәсіби кадрларын даярлау сапасының жеткілікті жоғары деңгейін көрсетеді.
2015 жылы Аккредиттеу және рейтингтің тәуелсіз агенттігінің рейтингісінің (АРТА) қорытындысы бойынша ЖОО мамандықтары келесі орындарды иеленді: 1 орын – "Электр энергетикасы", 2 орын – "Аспап жасау" (магистратура), 3 орын – "Электр энергетикасы", "Орман ресурстары және орман шаруашылығы" (бакалавриат), "География" (магистратура).
Жоғары оқу орны бес мамандықтың Халықаралық аккредитациясын Германияның ASIIN агенттігінде өтті: "Радиотехника, электроника және телекоммуникациялар" (бакалавриат және магистратура), "Ақпараттық жүйелер" (бакалавриат және магистратура), "Информатика" (бакалавриат).
ЖОО институционалдық аккредитацияны мен Аккредиттеу рейтингтің тәуелсіз агенттігінде 53 мамандықтың аккредитациясын алды.
Осы жылы университет 50 бакалавриат, 25 магистратура және 2 докторантура мамандықтары бойынша қабылдау жариялады.
Біздің ЖОО-ның 1 курсына 1200-ге жуық студент оқуға түсті, оның ішінде 424 мемлекеттік тапсырыс бойынша, 50 магистрант және 2 докторант. Екінші жыл Омбы мемлекеттік педагогикалық университетімен қосдипломды білім берудің магистрлік бағдарламасы жүзеге асырылуда.
Біздің барлық студенттеріміз дұрыс таңдау жасағанына сенімдіміз.
ЖОО-да университеттің бәсекеге қабілеттілігін күшейту, заманауи материалдық-техникалық база, білікті кадрлық құрам және оқытудың озық ақпараттық технологиялары негізінде мамандарды даярлау сапасын жақсарту бойынша тиімді шаралар жүргізілуде.
Эксперимент режимінде студенттерді үш тілде – қазақ, орыс, ағылшын тілдерінде - бакалавриаттың 7 мамандығы және магистратураның 3 мамандығы бойынша даярлау жүргізіледі.
Университет кітапханасының кітап қоры 1 млн. дананы құрайды. Заманауи техникамен жабдықталған электронды оқу залдары бар.
ЖОО дамуының маңызды құрамдас бөлігі ғылыми-зерттеу қызметі болып табылады. Құрамына 7 ғылыми орталық және 12 ғылыми-зерттеу зертханасы, сондай-ақ білім мен ғылымдағы коммерцияландыру орталығы кіретін тиімді ғылыми-зерттеу инфрақұрылымы құрылды.
Дарынды жастардың шығармашылық қабілеттерін қолдау және жүзеге асыру, олардың ғылыми-өндірістік құзыреттілігін дамыту мақсатында студенттердің ғылыми қоғамдары арқылы жүзеге асырылатын студенттердің ғылыми жұмысына ерекше көңіл бөлінеді.
Студенттер ғылыми конференцияларға, семинарларға, дөңгелек үстелдерге, ғылыми үйірмелерге, ғылыми-зерттеу жұмыстарына, ҒЗЖ бойынша конкурстарға, көрмелерге, тұсаукесерлерге қатысады.
СҒҚ жұмысының тиімділігінің көрсеткіші өткен оқу жылында ҚР БҒМ Республикалық конкурсына студенттердің 255-ке жуық жұмысы жіберілгені болды. Байқау қорытындысы бойынша II және III дәрежелі 14 диплом алынды.
Тек өткен оқу жылында ғылыми еңбектер жинағында 370-ке жуық студенттік ғылыми мақалалар жарық көрді.
Студенттер мен университет қызметкерлерінің академиялық ұтқырлығын дамыту, халықаралық білім беру бағдарламаларын жүзеге асыру үшін ЖОО Қазақстанның, жақын және алыс шетелдердің жоғары оқу орындарымен және кәсіпорындарымен ынтымақтастық туралы 90-нан астам шарттар мен келісімдерге қол қойды.
Академиялық ұтқырлық бағдарламасы аясында біздің студенттер мен магистранттар Еуропа мен АҚШ-тың жоғары оқу орындарында бір семестр бойы оқуға мүмкіндік алады.
Шет елдердің кәсіпорындары мен ұйымдарында тағылымдамалардың алмасу бағдарламалары ұйымдастырылады.
12 студент ҚР Президенті Н.Ә.Назарбаев стипендиясының, екеуі - К. Скрябин мен М. Жұмабаев стипендияларының иегерлері. Үздік студенттерге академик Манаш Қозыбаев және университет ректорының гранттары берілді.
Университетте жаңа жабдықтармен жабдықталған денсаулық сақтау пункті жұмыс істейді. Студенттер мен қызметкерлер дәрігер-мамандардың сапалы медициналық қызметтерін тегін алады.
Біздің ЖОО-да спорт және жаттығу залдары, тир, жүзу бассейні, коньки және шаңғы базасы, мини-футбол ойнауға арналған спорт алаңы бар заманауи спорт базасы бар. Қала сыртындағы "Мирас" оқу-сауықтыру кешендері, агробиостанция бар.
Университеттің спорттық құрамалары жыл сайын Қазақстанның жоғары оқу орындарының студенттері арасында қысқы және жазғы Универсиадаларға қатысып, жүлделі орындарға ие болады. 2015 жылғы Универсиаданың волейболдан және жазғы Президенттік көпсайыстан жеңімпаздары біздің университет студенттері болды.
Студенттік халық театрлары жұмыс істейтін студенттік клуб жұмыс істейді. ЖОО-ның тыныс-тіршілігін "Парасат" студенттік баспасөз орталығы көрсетеді, оның телевизиялық бағдарламалары облыстық теледидарда көрсетіледі.
Студенттер халықаралық, республикалық және облыстық олимпиадаларға, конкурстар мен жобаларға, патриоттық акциялар мен әлеуметтік маңызы бар жобаларға белсене қатысады, өздерінің көшбасшылық қасиеттері мен белсенді азаматтық ұстанымын жүзеге асыра алады.
Университетте тұру үшін қолайлы әлеуметтік-тұрмыстық жағдайлар жасалған 3 студенттік жатақхана бар.
Жоғары білім деңгейі, жоғары білімі бар мамандардың кәсібилігі - Ел Президенті Н.Ә.Назарбаевпен айтылған "Қазақстан-2050" Стратегиясын іске асырудың басты бағыттарының бірі: таяу жылдары республиканың әлемнің дамыған 30 елінің қатарына кіруін қамтамасыз ету.
Біз осы бағытта нақты қадамдар жасауға тырысамыз және бүгінде көптеген позициялар бойынша жақсы нәтижелер бар.
Құрметті студенттер! Сіздерге оқу барысында жетістіктер, алған теориялық білімдеріңізді тәжірибеде қолдана біліп, білікті маман болуларыңызға тілектеспін. Жалпы Қазақстанның жарқын болашағы үшін еңбек етіп, шығармашылық табысқа жетіңіздер! Баршаларыңызға кез-келген бастамаларыңызда сәттілік, зор денсаулық, табыс тілеймін!
Барлық бастамаларыңызға сәттілік, білім жолында сізге жоғары жетістіктер!
Түсініктемелер
Түсініктемелер жоқ