Құрметті Дания!
М.Қозыбаев атындағы Солтүстік Қазақстан мемлекеттік университетінің «Қазақ филологиясы» кафедрасында 5В011700 «Қазақ тілі мен әдебиеті» мамандығы бар, оқу мерзімі 4 жыл.
Академиялық дәрежесі: бакалавр.
Түсу емтихандары: математика, Қазақстан тарихы, қазақ тілі, қазақ әдебиеті.
Кәсіби қызметтің саласы: білім беру, ғылым, мәдениет, БАҚ, баспасөз ісі, мемлекеттік қызмет салалары және т.б.
Кәсіби қызметтің нысандары: орта білім беретін мектептер, орта кәсіби ұйымдар, кәсіби мектептер, гимназиялар, мектептер, колледждер мен лицейлер.
Кәсіби қызметтің түрлері: жалпы білім беретін мектеп, гимназия, лицейлерде қазақ тілі мен әдебиеті мұғалімі, орта оқу орнының оқытушысы, радио және теледидар журналисті, ұйымдарда және мекемелерде аудармашы; орыс тілді мектептерде қазақ тілі мен әдебиеті мұғалімі; баспасөз редакторы, БАҚ қызметкері.
5В011700 «Қазақ тілі және әдебиеті» (қазақ тілі және әдебиетінің бакалавры): 050117.03 оқытуы орыс тіліндегі мектептерде қазақ тілі мен әдебиетін оқыту және 050117.04 оқытуы қазақ тіліндегі мектептерде қазақ тілі мен әдебиетін оқыту қосымша мамандандырылады. Мамандар күндізгі, сырттай, қысқартылған және жоғары білім негізінде даярланады.
Кафедра құрамын жоғары білікті мамандармен қамтамасыз ету мақсатында 2000 жылы 6М020500 «Филология» және 6М050400 «Журналистика» мамандығы бойынша магистратура ашылды.
