Жауап
Сіздің, М. Қозыбаев атындағы Солтүстік Қазақстан мемлекеттік университетінің ректор блогына қойылған сауалыңызды қарастырып, төмендегіні хабарлаймыз:
- Университеттің Шаруашылық жұмыстар департаменті жыл сайын көктемгі сессия аяқталған уақыттан бастап, жаз мезгілінде жатақханаларда өтпелі (косметикалық және т.б.) жөндеу жұмыстарын жүргізеді. Өкінішке орай, 2020 жылдың бюджеттік жоспарында №2 жатақханада күрделі жөндеу жұмыстары қарастырылмаған.
- Жатақханада орналастырылған электр плиталары электршінің үнемі техникалық күтімінен өткізіледі. Қазіргі уақытта қоймада орташа көлемдегі электр плиталары жоқ. Әрбір плиткада 2 конфорка ғана жұмыс істегендіктен, электр плиталарына қажетті жинақтауыштарды сатып алуға өтінім берілді.
- Бүгінгі таңда жатақхананың техникалық қызметкерлер құрамына тазалау жұмыстарын жүргізетін адам қабылданды. Оның міндетіне дәретханалар мен тұрмыстық бөлмелерді тазарту кіреді. Алайда, бұл бөлмелерде тазалықты сақтап қалу үшін, кезекші студент те оны күтіп ұстауы керек, сонымен қатар кесте бойынша уақытылы және сапалы кезекшілік жүргізу қажет.
- 2020 жылдың басына, бюджеттік комиссияның қарауына бүлінген кір жуғыш машиналарды жөндеуге өтініш берілді.
