Құрметті Мәдина!
2020 жылдың 16 наурызынан бастап студенттерді Арақашықтықтан білім беруге көшіруге байланысты университеттің жатақханаларында тұрып жатқан студенттер жеке заттарын студенттік жатақханалардағы орындарында қалдырып кетті.
Студенттік жатақханалардағы бөлмелерді жаңғыртуға және кейбір жөндеу жұмыстарын жүргізуге байланысты Тәрбие және әлеуметтік мәселелер жөніндегі департаменттің қызметкерлерімен студенттердің заттарын жинау және оларды жатақхананың бірінші қабатындағы бөлмеге түсіру жұмыстары жүргізілді, сонымен қатар бұл заттар жиыстырылып, реттеліп қойылды. Барлық заттарға бөлмелердің нөмірлері көрсетілген, сақтауға алынған және бөтен тұлғаларға берілмейді. Сондай-ақ арақашықтан білім беру кезеңі басталғаннан бүгінгі күнге дейін жатақханаларда тұрып жатқан студенттерден жеке заттарының жоғалғаны туралы арыз-шағым түспегенін жеткіземін. Барлық жатақханалар күзет қызметімен қамтылған. Жеке затын алуға келген студент өзінің аты-жөнін растайтын төлқұжатымен болады және тиісті қызметкерлермен оның жатақханада тұрғандығы расталталғаннан кейін жеке заттары беріледі, бұл жөніндегі ақпараттар (жеке куәлігінің нөмірі, келген уақыты және т.б.) жазба кітапшасына тіркеледі.
Жоғарыда атап өткеніміздей жатақханалардағы бөлмелерді жаңғырту және кейбір жөндеу жұмыстарын жүргізу студенттердің келесі оқу жылында таза, жаңғыртылған және ыңғайлы жатақхана бөлмесімен қамтылуына бағытталған.
