Болашақ ұстаздардың инклюзивті құзыреттілігін қалыптастыру, үздіксіз кәсіби-педагогикалық даму, білім беру траекториясының стратегиялары – осының барлығы «Қазіргі педагогикалық білім беруді дамытудың өзекті тенденциясы мен стратегиялары» атты халықаралық ғылыми-тәжірибелік конференцияда талқыланды. Іс-шара Сургут мемлекеттік педагогикалық университетімен серіктестікте өтті.
Қазақстан, Ресей, Қытай және Өзбекстаннан 300-ден астам ғылыми баяндамалар келіп түсті.Университетімізде барлық бакалавриат білім беру бағдарламаларының 35% педагогикалық бағытта. Биылдан бастап Аризона университетімен қос дипломдық бағдарлама іске қосылды. СҚО білім басқармасы басшысының орынбасары Татьяна Протопопованың айтуынша, ұстаздар білімі, заман талабына, еңбек нарығының талаптарына сай болса, оқушылардың сұранысы да ескерілуі тиіс.
«Конференцияның мақсаты – қоғам назарын ұстаздық білім берудің заманауи мәселелеріне аудару. Мұндай секциялық отырыстар ең алдымен, әр өңірден келген жас және тәжірибелі ғалымдардың пікір алмасуына мүмкіндік береді. Сондай-ақ, ғылым мен тәжірибе байланысын қолдау болып табылады»,- деді Басқарма Төрағасы– Ректор м.а. Рената Апергенова.
Қатысушылар өздерінің ғылыми жетістіктерімен толығырақ таныстырып өтті:
- жеке тұлғаны психологиялық-педагогикалық қамтамасыз етудің өзекті мәселелері;
- арнайы, инклюзивті және әлеуметтік білім беруді дамытудың заманауи тәсілдері мен мүмкіндіктері;
- бастауыш және мектепке дейінгі білім беруді дамыту тенденциялары;
- қазіргі заманымыздың оқу-тәрбие процесіндегі мәдениет, ғылым және өнер;
- дене шынықтыру, спорт және БӘД саласындағы инновациялық технологиялар.
СҚО мамандандырылған мектеп-интернат-олимпиадалық резерв колледжі базасында спорт мұғалімінің кәсіби және тұлғалық дамуы бойынша кездесу өтті. Конференция қорытындысына сәйкес, іріктелген 223 зерттеу мақаласы бойынша ғылыми жинақ шығады.
