Инженерлік және сандық технологиялар факультетінің тарихы Қазақстанның солтүстік өңіріндегі өнеркәсіптік өндірістің дамуымен тығыз байланысты. Ұлы Отан соғысы жылдарында Ресейдің еуропалық бөлігінен Петропавл қаласына зауыттардың бір бөлігі көшірілді, олардың негізінде кейіннен Солтүстік Қазақстан өнеркәсібі дамыды. 50-жылдардың ортасына қарай аймақтың кәсіпорындарында қорғаныс өнеркәсібін шығару айтарлықтай үлеске жетті, бұл жоғары техникалық білімі бар тиісті мамандарға сұраныстың артуына әкелді.
Нәтижесінде 1960 жылы Петропавлда Орал политехникалық институтының Петропавл жалпы техникалық факультеті ашылды.
(УПИ РТФ) 1978 жылы УПИ РТФ Қарағанды Еңбек Қызыл Ту ордені политехникалық институтының (ҚарПТИ) қарамағына берілді.
Содан кейін 1982 жылы жалпы техникалық факультет осы институттың филиалы болады.
1994 жылы филиал базасында Солтүстік Қазақстан университеті жанынан Жоғары техникалық колледж ашылды.
1996 жылы Солтүстік Қазақстан университеті мен жоғары техникалық колледж бірыңғай оқу орнына біріктірілді.
Содан бері инженерлік және сандық технологиялар факультеті жоғары оқу орны құрылымының жалпы жаңғыртылуына, сондай-ақ сұранысқа ие жаңа мамандықтардың ашылуына байланысты бірқатар қайта құрулардан өтті.
Қазіргі уақытта факультет құрамына төрт кафедра кіреді, олар оқу және ғылыми-зерттеу жұмыстарын жоғары сапалы деңгейде жүргізеді. Бұған заманауи материалдық-техникалық базаның, жоғары білікті оқытушылардың болуы ықпал етеді. Факультет бакалаврларды, магистрлерді және PhD докторларын дайындайды. Факультеттің білім алушылары мен оқытушылары университет миссиясын мақтанышпен орындайды, соның арқасында факультет ғылыми идеялар мен әзірлемелердің орталығы болып табылады.