Жоғары оқу орнында ҚР Су ресурстары және ирригация министрлігі, Ғылым және жоғары білім министрлігімен, сондай-ақ ҚР Оқу-ағарту министрлігімен бірлесіп еліміздің барлық өңірлерінде бір мезгілде «Суды үнемде-болашақ үшін сақта» атты республикалық экологиялық шарасын өткізді. Іс-шара жастар арасында суды ұтымды пайдалану мәдениетін қалыптастыруға және экологиялық жауапкершілікті арттыруға бағытталған. Экосағатқа студенттер, мектептер мен колледждердің білім алушылары, оқытушылар, әкімшілік өкілдері және шақырылған сарапшылар жиналды. Бүгінгі таңда біздің университет суды ұтымды пайдалануға байланысты жобаларды ілгерілетеді.  Өткен жылдан бастап Қозыбаев университетінде СҚО су ресурстарын бақылау, тазарту және ұтымды пайдалану үшін жоғары технологиялық шешімдерді әзірлеу және енгізу бойынша БМҚ ірі жобасы іске асырылады. Түпкі мақсат-таза ауыз сумен және техникалық сумен қамтамасыз ету арқылы халықтың денсаулығын нығайту.  Жоба 2027 жылға дейін есептелген және сумен жабдықтауды гигиеналық бағалау, су айдындарын биологиялық оңалту және су мониторингін цифрландыру сыңды қосымша бөлімдерді қамтиды. Сарапшылар тобына Қазақстан, АҚШ, Ұлыбритания, Түркия, Қытайдан химия, экология, медицина, эпидемиология, ауыл шаруашылығы, инженерия және цифрлық технологиялар саласының ғалымдары кірді. Университетте жаңа зертханалық кешендер құрылды. Олардың мақсаты-СҚО тұрғындарының өмір сүру сапасын жақсарту болып табылады. Жоба жетекшісі- Қозыбаев университетінің профессоры, PhD докторы Дмитрий Берилло. Ол Web of Science деректері негізінде Қазақстандағы химия ғылымдары саласында ең көп дәйексөз келтірілген ғалымдардың ТОП-40 қатарына енген. Іс-шарада оған су тұтыну саласындағы жобалау-зерттеу жұмыстарына белсенді қатысқаны үшін Су ресурстары және ирригация министрінің грамотасы табыс етілді. Сондай-ақ, жоғары оқу орнының оқытушылары, ғалымдары мен студенттері марапаттарға ие болды. Экосағат барысында «Қазсушар» ШЖҚ РМК Бас директорының м.а. Ануар Ускенбаев Қазақстанның су ресурстарының ағымдағы жай-күйіне, қазіргі сын-қатерлерге және оларды басқарудың заманауи тәсілдеріне талдау жасады. Ұйымдастырушылар мұндай бастамалар жастардың табиғи ресурстарға жауапкершілікпен қарауын қалыптастыруға ықпал ететінін және экологиялық мәселелерге ғылыми және қоғамдық қызығушылықтың дамуын ынталандыратынын атап көрсетеді.

  «Заң және тәртіп» қағидатын іске асыру аясында Қозыбаев университетінде Солтүстік Қазақстан облысы бойынша Экономикалық тергеу департаментімен бірлесіп CyberShield-2026 республикалық хакатон ұйымдастырылды Хакатонға Қазақстанның 13 жоғары оқу орнынан командалар қатысты. Жалпы жүлде қоры 4 млн теңгені құрайды. Іс-шара IT және мобильді технологиялар, ақпараттық қауіпсіздік пен жасанды интеллект бағыттарындағы міндеттерді шешу барысында студенттердің әлеуетін айқындауға бағытталды. Шараны онлайн форматта ҚР Ғылым және жоғары білім вице-министрі Динара Щеглова ашып, Мемлекет басшысының тапсырмасына сәйкес елімізде жасанды интеллектті дамыту мен цифрландыру бағытында жүйелі жұмыстар жүргізіліп жатқанын атап өтті. «Талдаушылар, әзірлеушілер және жаңа буын инженерлері экономика үшін тиімді шешімдер әзірлей алуы тиіс. Бүгінгі хакатон секілді алаңдар білім алушыларға осы міндеттерді іс жүзінде жүзеге асыруға мүмкіндік береді. Қозыбаев университеті мен Экономикалық тергеу департаментінің ынтымақтастығы– білім мен тәжірибені тиімді ұштастырудың жарқын үлгісі. Бұл хакатон жаңа, мықты шешімдердің пайда болуына және кәсіби командалардың қалыптасуына негіз болады деп сенемін»,- деді Динара Щеглова. Қатысушылар екі негізгі бағыт бойынша жұмыс жүргізді: – «Агроаналитикадағы AI»- ауыл шаруашылығының тиімділігін арттыру, процестерді оңтайландыру және аграрлық секторды тұрақты дамытуға арналған зияткерлік шешімдерді әзірлеу; – «Криптоқауіптерге қарсы AI»- транзакцияларды бақылау, алаяқтықты анықтау және цифрлық активтер саласындағы тәуекелдерді талдау құралдарын жасау. Қозыбаев университетінің Басқарма Төрағасы- Ректор Ербол Исақаев өз сөзінде: «Бүгінде университетіміз еліміздің жетекші жоғары оқу орындарының ондаған командасын біріктірген орталыққа айналды. Заманауи технологиялық міндеттерді шешуге дайын 160-тан астам жас талант қатысып отыр. Қазіргі таңда цифрландыру тек процестерді автоматтандыру ғана емес, елдің ұлттық қауіпсіздігі мен экономикалық дамуының негізі болмақ. Университетіміз жасанды интеллект саласындағы мемлекеттік саясатты белсенді қолдайды. Бұл бағдарлама студенттердің идеяларын нақты прототиптерге айналдыруға мүмкіндік береді»,- деп атап өтті. Хакатон қорытындысы бойынша қатысушылар өз жобаларын сарапшылар алқасына ұсынып, олардың практикалық маңыздылығы мен нақты секторға енгізу әлеуетін көрсетті. Жеңімпаздар әр бағыт бойынша 1 млн теңгеден иеленсе, екінші және үшінші орындарға тиісінше 500 мың және 300 мың теңге берілді. Нәтижесінде жеңімпаздар мен жүлдегерлер анықталды: «Криптоқауіптерге қарсы AI» бағыты: 1 орын- «Kings of Taiynsha» командасы (Қозыбаев университеті, Петропавл); 2 орын- ҚР ІІМ Ш.Кабылбаев атындағы Академиясы ( Қостанай); 3 орын- «Ramira» командасы (Л.Н. Гумилев атындағы ЕҰУ, Астана). «Агроаналитикадағы AI» бағыты: 1 орын- «Open to Work» командасы (ҚБТУ, Алматы); 2 орын- «Van Gogh» командасы (Л.Н. Гумилев атындағы ЕҰУ, Астана); 3 орын- «White Hill» командасы (IT University, Астана). Арнайы жүлде- 400 мың теңге- ең креативті цифрлық шешім үшін Қозыбаев университетінің «67» командасына табысталды. Қозыбаев университетінің «Kings of Taiynsha» командасы CRYPTOGUARD AI жобасын ұсынып, криптовалюта желілеріндегі күдікті белсенділікті анықтауға арналған сандық құрал әзірледі. Бұл жүйе әмияндардың тәуекел деңгейін бағалауға, қаржы ағындарын бақылауға және ықтимал алаяқтық үлгілерін анықтауға мүмкіндік береді. Мұндай бастамалар білім алушылардың сыни ойлау, командалық жұмыс және жобалық қызмет дағдыларын дамытуға ықпал етеді. Сонымен қатар, нақты кейстермен жұмыс істеу арқылы студенттер сарапшылар қауымдастығымен өзара іс-қимылдың құнды тәжірибесін жинақтайды. Бұл – елдің цифрлық трансформациясына үлес қоса алатын бәсекеге қабілетті мамандарды даярлаудың маңызды негізі. Цифрлық білім беруді дамыту, жасанды интеллект саласындағы бастамаларды қолдау және тәжірибеге бағытталған алаңдарды кеңейту- қазіргі экономиканың сын-қатерлеріне тиімді жауап беруге қабілетті жаңа буын мамандарын қалыптастырудың басты шарты болмақ.

Университетіміздің ғылыми әлеуетін арттыру және халықаралық ынтымақтастықты кеңейту мақсатында шетелдік зерттеушілер, оқытушылар мен профессорлар тартылады. Қазіргі уақытта жоғары оқу орнымызға (Тайланд) Чиангмай университетінің постдокторанты Локешвара Редди келіп отыр. Ғалым биоэлектроника, биосенсорлар және наноқұрылымды материалдар саласында ауқымды тәжірибеге ие. Ол халықтың қауіпсіздігі мен денсаулығын қамтамасыз ету, органикалық ауыл шаруашылығын жүргізу және қоршаған ортаны қорғау үшін озық халықаралық стандарттар негізінде тұрақты су пайдалану технологиясын әзірлеу үшін ғылыми қызметкер ретінде бағдарламалық-нысаналы қаржыландыру шеңберінде қабылданды. Енді адам денсаулығына зиянды әсердің алдын алу және дайын өнімнің қауіпсіздігін қамтамасыз ету мақсатында суды биологиялық тазартуды қоса алғанда, қайта өңдеу кәсіпорындарында технологиялық процестер үшін суды тазарту және дайындау жүйелерін әзірлеумен айналысады. Сонымен қатар, биохимия саласының маманы Мухаммад Сакиб Саиф шақырылды. Кәсіби тәжірибесін шақырылған оқытушы ретінде бастаған. Бүгінде ол Islamia University of Bahawalpur оқытушысы болып табылады. Ол өсімдік сығындылары негізінде биологиялық белсенді қосылыстар алу, нанобөлшектердің және металл органикалық қаңқалардың «жасыл» синтезі және наномедицина бағыттарында зерттеулер жүргізеді. Білім ордамызға лиофильді кептірілген шөптер мен дәстүрлі кептірілген шөптердің сүт сапасын арттыруға әсерін салыстырмалы талдауды жүзеге асыру үшін зерттеуші ретінде БМҚ шеңберінде қабылданды. Зерттеушілер 1 жыл көлемінде жаңа ортаға бейімделіп, зертханаларда ғылыми-зерттеу жұмыстарымен айналысады.

Семей қаласында қазақ күресінен жастар арасындағы Қазақстан чемпионаты өтті. Аталған дода Жақсылық Үшкемпіров атындағы спорт кешені базасында ұйымдастырылып, еліміздің барлық өңірлерінен келген 400-ден астам спортшыны бір алаңға жинады. Байрақты бәсекеде Қозыбаев университеті «Дене шынықтыру және спорт» кафедрасының ФКС-23к тобының студенті Әділет Мурзаш (+100 кг) салмақ дәрежесінде үздік өнер көрсетіп, Қазақстан чемпионы атанды. Әділет Мурзаш жарыс барысында 5 белдесу өткізіп, барлық қарсыластарынан басым түсті. Алғашқы айналымда Абай облысының өкілін айқын басымдықпен ұтып, келесі кезеңдерде сенімді күресіп, финалға жолдама алды. Шешуші белдесуде Жамбыл облысының палуанымен кездесіп, тартысты күресте шеберлігін дәлелдеп, қарсыласынан үстем түсіп Қазақстан чемпионы атанды. Табандылық пен қайсарлықтың жарқын үлгісін көрсеткен студентімізді жеңісімен құттықтаймыз!

Еліміздің түрлі жоғары оқу орындарының базасында өткен XVIII республикалық студенттік пәндік олимпиадаларда және ғылыми байқауларда студенттеріміз жоғары нәтижелер көрсетіп, өз білімдері мен кәсіби дайындықтарын дәлелдеді. Каспий университеті базасында «Құқық» даярлау бағыты бойынша өткен олимпиадаға Қазақстанның 13 қаласынан командалар қатысты. Дмитрий Павлов – жеке біріншілікте І орын иегері! Жетекшісі: «Қазақстан тарихы және құқық» кафедрасының аға оқытушысы Сералина А. Ж SDU University базасында «Шет тілі: екі шет тілі (ағылшын тілі)» пәні бойынша өткен олимпиадада: Кошкарова Анастасия– жеке есепте ІІ орын. Жетекшісі: «Герман-роман филологиясы» кафедрасы, еңбек сіңірген профессор, ф.ғ.к. Тетюхин Е. П. Ш.Уәлиханов атындағы Көкшетау университетінде «Қазақ тілі мен әдебиеті» білім беру бағдарламасы бойынша өткен олимпиадада: Аяулым Ахметжанова - жеке біріншілікте ІІ орын иеленді. Жетекшісі: «Қазақ тілі мен әдебиет» кафедрасының меңгерушісі Кокбас Жазира Алматы қаласында Қазақ ұлттық аграрлық зерттеу университетінде «Агрономия» білім беру бағдарламасы бойынша XVIII республикалық пәндік олимпиадада: Макен Зикирин -жеке есепте II орын. Жетекшісі: «Агрономия және орман шаруашылығы» кафедрасының PhD докторы, доценті Кантарбаева Э. Е. Қожа Ахмет Ясауи атындағы Халықаралық қазақ-түрік университеті базасында Түркістан қаласында өткен биология пәні бойынша олимпиадада: Исахова Аружан, Тоқтарбай Салтанат, Шинберген Саят – командалық есепте ІІІ орын. Жетекшісі: «Биология» кафедрасының аға оқытушысы Нусупова А. Ж. Energo University базасында «Телекоммуникация» бағыты бойынша өткен олимпиадада: Ивченко Дмитрий– жеке біріншілікте ІІІ орын. Жетекшісі: «Энергетика және радиоэлектроника» кафедрасының сеньор-дәріскері. Адильбеков А. Е. Тұран университеті базасында робототехника бойынша өткен олимпиадада: Максим Сумкин, Михаил Бочанцев, Богдан Кормин– командалық есепте ІІІ орын. Жетекшісі: «Энергетика және радиоэлектроника» кафедрасының профессоры т. ғ. к., Савостин А.А. және қауымдастырылған профессор Петров П. А. Алматы технологиялық университеті базасында «Азық-түлік өнімдерінің технологиясы» білім беру бағдарламасы бойынша өткен олимпиадада: Еркежан Шегебаева, Анелия Кожагулова, Камилла Жасуланова – командалық ІІІ орын. Жетекшілері: «Азық-түлік қауіпсіздігі» кафедрасының оқытушысы Серіков Ә. Қ. және аға оқытушы Иль Е. Н. Алматы қаласындағы Қазақ ұлттық аграрлық зерттеу университетінде «Орман ресурстары және орман шаруашылығы» білім беру бағдарламасы бойынша XVIII республикалық пәндік олимпиадада: Аделя Орынбасар- жеке есепте 3 орын иеленді Қызылорда қаласындағы педагогикалық мамандықтар (биология) студенттері арасында жаратылыстану пәндері бойынша IV Халықаралық олимпиадада: Ашимова Аружан-жеке есепте II орын. Жетекшісі: «Биология» кафедрасының аға оқытушысы Нусупова А. Ж. Алматы қаласында Халықаралық білім беру корпорациясы (KazGASA) өткізген Республикалық дипломдық жұмыстар конкурсының қорытындысы Еуразия сәулет-құрылыс және дизайн мектептерінің XII Халықаралық фестивалінде жарияланды: Данил Вильд және Нұрсұлтан Қазақбай – ІІІ дәрежелі диплом иегерлері. Жетекшілері: «Құрылыс және дизайн» кафедрасының аға оқытушылары Полищук Н. Ю. және Тунгышпаева С. Ж. Барлық жеңімпаздар мен олардың ғылыми жетекшілерін құттықтаймыз! Сіздердің жетістіктеріңіз – үлкен еңбектің нәтижесі. Жаңа табыстарға жете беріңіздер!  

«Заң және тәртіп» идеологемасы мен есірткі қылмысының алдын алу бағытындағы профилактикалық жұмыс аясында ЖОО СҚО ПД профилактикалық жұмысты үйлестіру басқармасымен бірлесіп, Кинологиялық қызмет орталығының базасында студенттер үшін практикалық сабақ ұйымдастырды. Кездесу барысында студенттер полиция қызметкерлерінің жұмысын тікелей бақылауға мүмкіндік алды. Төрт аяқты көмекшілердің есірткі мен жарылғыш заттарды анықтау қабілеттері көрсетіліп, кинолог мамандығының қыр-сыры жан-жақты түсіндірілді. Экскурсияда орталықтағы иттерді күтіп-ұстау жағдайлары, олардың арнайы жабдықтары мен дайындық үдерісі таныстырылды. Студенттерге түрлі тұқымдағы иттердің – жоғары жылдамдығы мен алғырлығы және командаларды мүлтіксіз орындау қабілеттері, шартты қылмыскерді ұстау және есірткіге ұқсас заттарды анықтау дағдылары көрсетілді. Қызметкерлер мен иттердің үйлесімді жұмысы мен кәсібилігі қатысушыларға ерекше әсер қалдырды.

Қозыбаев университетінің Халықаралық кампусының командасы жоғары дайындық деңгейін көрсетіп, «Биотехнология» білім беру бағдарламасы бойынша XVIII республикалық студенттік пәндік олимпиаданың II кезеңінде жүлделі 3-орынға ие болды. Олимпиада Алматы қаласындағы Әл-Фараби атындағы Қазақ ұлттық университетінің базасында өтті. Байқауға еліміздің жетекші жоғары оқу орындарынан 16 команда қатысып, өзара мықтыны анықтады. Университетіміздің намысын The University of Arizona серіктестігі аясында жүзеге асырылатын қос диплом бағдарламасының студенттері қорғады: 4-курс студенті Кристина Борисова, 3-курс студенттері Даниил Герасимов пен Алина Бегунова. Топтың ғылыми жетекшісі— PhD, Халықаралық кампустың қауымдастырылған профессоры Бызова Ю.С  дайындады. Команда мүшелері мен олардың ғылыми жетекшісін жоғары жетістікпен құттықтаймыз! Алдағы уақытта жаңа белестер тілейміз.

Бүгін бүкіл республика бойынша Мемлекет басшысының қатысуымен «Таза Қазақстан» ауқымды экологиялық акциясы өтті. Қозыбаев университетінің студенттері Амир Агзамов пен Аружан Ермухан Қазақстан Республикасының Президенті Қасым-Жомарт Тоқаевпен бірге ағаш отырғызу шарасына қатысуға мүмкіндік алды Екі жыл ішінде «Таза Қазақстан» бастамасы- қоршаған ортаны абаттандыру төңірегінде біріктіретін қуатты жалпыұлттық қозғалысқа айналды. ЖОО акцияны белсенді қолдады: университет басшылығы, оқытушылар мен студенттер бірлесіп студенттер аллеясына 60-қа жуық ағаш отырғызды.   Мұндай бастамалар- экологиялық мәдениетті және еліміздің болашағы үшін жауапкершілікті қалыптастыруға жасалған маңызды қадам. Біз бірге таза және тұрақты Қазақстанды құрамыз!

Біздің студенттеріміз: Семен Лабодрыга мен Глеб Нос «Арнайы педагогика» бағыты бойынша XVIII Республикалық студенттік пәндік олимпиадада 1 командалық орынға ие болды! Интеллектуалдық сайыс Қостанай қаласындағы Ахмет Байтұрсынұлы ат. ҚӨУ базасында өтті. Балалар еліміздің әр өңірінен келген 14 команда арасында бәсекелестікте үздік атанды. Жарыс екі кезеңде ұйымдастырылды: қатысушылар «СоциоКвест» жобалық тапсырмасын ұсынып, теориялық білім деңгейін анықтау үшін тестілеуден өтті. Глеб пен Семен Аризона университетімен бірлесіп жүзеге асырылатын «Арнайы педагогика және инклюзивті практика» қос дипломды білім беру бағдарламасы бойынша оқиды. Әлемдік жетекші жоғары оқу орындарымен әріптестікті дамыту және бірлескен бағдарламаларды ашу айтарлықтай академиялық нәтижелер береді және бәсекеге қабілетті мамандарды даярлауға ықпал етеді. Студенттерді және олардың ғылыми жетекшісі аға оқытушы Б. Е. Бекболатованы маңызды жетістікпен құттықтаймыз! Сізге жаңа ғылыми жеңістер тілейміз!

1 мамыр қарсаңында ЖОО-да Наурыз мерекесіне арналған «Студенттік көктем» атты салтанатты шара өтті. Бас алаңда ЖОО оқытушылары мен білім алушылары жиналып, шығармашылық ұжымдар өнер көрсетіп, спорттық жарыстарға қатысты. Университетте көптеген өңірлерден әртүрлі ұлт өкілдері білім алып жатыр. Бүгінде оқу орны тек білім беретін мекеме ғана емес, сонымен қатар даму, достық пен өзара қолдау ортасына айналып отыр. Басқарма Төрағасы – Ректор Ербол Исақаев атап өткендей, жастардың сапалы білім алып қана қоймай, ұлттық дәстүрлерді қадірлеп, өз мәдениетіне құрметпен қарап, ұрпақтар сабақтастығын сақтауы ерекше мақтаныш тудырады. Мереке аясында Наурыз қалашығының кабинеттерін безендіруге арналған шығармашылық байқаудың жеңімпаздары марапатталды. Қатысушылар тек әсем безендірумен шектелмей, университетке бірлік атмосферасын сыйлай білді. Факультеттер ұлттық дәстүрлерге деген құрметті және заманауи жастардың көктемгі жаңаруға деген креативті көзқарасын айқын көрсетті. Нәтижесінде: 1 орын-ПФ 2 орын-ИСТФ 3 орын-ХК Одан әрі университет белсенділері «Қара Жорға» би флешмобын өткізді. «Студенттік көктем» мерекесі жаңа шабыт пен тың идеяларға жол ашып, көктемнің қуаты баршаңызды жаңа жетістіктерге жетелей берсін!